ياكذبها قولت ترى الناس للناس

زائر

ياكذبها قولت ترى الناس للناس ) : (
.................... والسالفه ما عاد تحتاج تفكير !
اما تصير بموقفٍ يرفع .. الراس
.................. ولا عساها ما تحقق ولا تصير ..
قد لي ثلاث ايام حاير ومنحاس
.................. الحال ما به خير واقول انا بخير !
خايف تشمت عاذلٍ فيه وسواس
................. مهما تصاغرني يحس اني كبير ..
من زود همي ما جذب عيني انعاس
............... كن السهر ( حاتم ) وجفني ( مسايير ) !!
كل النتايج تعترفلي بالافلاس
............... واضحك على نفسي واسوق التباشير ..
يا حظ ليتك تحشم معرّب الساس
................. ما كان جاني منك.. زله وتقصير ..
مابيك تغريني بضحكه ومجلاس
................. لو القناعه كنز عندي انا غير ؟!
لا ماقتنع بالطيب بحدود وقياس
................ يكبر فعين الغير وبعيني صغير ..
وان قلت شوف فلان يحطب بلا فاس
.................... بقول : ( لو به خير ما عافه الطير !! )
هذا وسجل يا قلم فوق قرطاس
.................... ابيات ما ودي تمر دون تفسير ..
اللي يبي صيتٍ وذكرٍ بنوماس
.............. يقضي حياته ما يحسب المخاسير ..
و
اللي يشوف الصح في فعل جساس
.............. بتشوم نفسه عن فعل سالم الزير !!
واللي ما حاش المجد بالدرع والطاس
................ ما هي بعيده.. لو يذم المناعير ..
واللي ما تطرب نفسه لفزعة ( دباس )
.............. من دون فزعاته يحصل معاذيير ..
يقوله اللي فوق خشم الخطا داس
.............. وطويق ما يشرهه على قاعت البير !!

زائر

صح لسانك

زائر

صح لسااانك لخوي
والله كلمااات في قمه الرووعه
تسلم....تقبل مروري^^

زائر

رووووووووووووعه يسلموو اخوي يعطيك الف عااافيه

تقبل مرووري ^^

زائر

اخي ..

دعني أسجل أعجابي بين حروفك ..

أبيات قمة الروووعه ..

مررت من هنا لكي أزرع قلمي بين حروفك الذهبيه ..

يعطيك ربي ألف عافيه ..

ننتظر جديدكـ بكل شوقـ ولا عدمنا حروفكـ ..

تحــياتي وتـقـديــري إلك ...

» يآكذبهآ قولت ترى النآأآس للنآأآس
» لعيون بعض الناس